Եվրոպական իրավունքի երկրորդ ամառային դպրոցի 4-րդ օրվա առաջին դասախոսությունը նվիրված էր Մարդու իրավունքների եվրոպական դատարան ներկայացվող հայցի ձևակերպմանը:
Գերմանացի դասախոս Միխաելա Վիթթինգերը և փաստաբան Միխաել Քլայնե-Կոզակը մանրամասն խոսեցին թեմայի շուրջ, պատասխանեցին մասնակիցների հարցերին, դրան հաջորդեց թեմայի վերաբերյալ գործնական աշխատանքը:
Օրվա երկրորդ կեսին խոսվեց ՄԻԵԿ հոդված 6-ի` արդար դատավարության իրավունքի և ՄԻԵԿ հոդված 10-ի` արտահայտվելու իրավունքի մասին: Այդ թեմայով ևս դպրոցի մասնակիցները կատարեցին գործնական աշխատանք և ներկայացրեցին աշխատանքի արդյունքները:
Հայաստանի երիտասարդ իրավաբանների ասոցիացիայի Իրավաբան ուսանողների բաժանմունքի անդամները ներկայացրել են նաև բաժանմունքի գործունեությունը:
Օրվա դասախոսությունների ավարտից հետո մեկնարկել է մարզական միջոցառումների շարքը:
