Ֆ.Ջեսափի անվան միջազգային իրավունքի դատախաղ» մրցույթ

«Ֆ. Ջեսափի անվան միջազգային իրավունքի դատախաղ» մրցույթի հայաստանյան մրցափուլը կազմակերպել են Հայաստանի երիտասարդ իրավաբանների ասոցիացիան, Հայաստանի իրավաբանական հիմնադրամը և «ԼԻԳԼ ԸԼԱՅԸՆՍ» իրավաբանական ընկերությունը՝ ՀՀ-ում ԱՄՆ դեսպանատան ֆինանսական աջակցությամբ:

Մրցույթն ուսուցողական է և մեծ հետաքրքրություն է առաջացնում ուսանողների շրջանում: Մրցույթն անցկացվում է միջազգային և ազգային մրցափուլերով: Յուրաքանչյուր մրցափուլ իր հերթին անց է կացվում երկու` գրավոր և բանավոր փուլերով:

«Ֆիլիպ Ջեսափի անվան միջազգային իրավունքի դատախաղ» մրցույթն անց է կացվում 1959թ.-ից` աշխարհի շուրջ 90 երկրներում: Մրցույթը կրում է Միջազգային դատարանի դատավոր Ֆիլիպ Ջեսափի անունը և բավականին մեծ տարածում ու հեղինակություն ունի աշխարհում:

Ռուս-հայկական (Սլավոնական) պետական համալսարանի իրավաբանական ֆակուլտետի թիմը մարտի 28-ից ապրիլի 2-ը Վաշինգթոնում կմասնակցի մրցույթի միջազգային փուլին։

«2004 Ֆիլիպ Ջեսափի անվան միջազգային իրավունքի դատախաղ» մրցույթին մասնակցության հայտ էին ներկայացրել 13 թիմեր՝ Երեւանից եւ ՀՀ մարզերից։